Çfarë!

by Drita Sun 19 Oct 2008, 15:27

Çfarë!

Ç’të shtyri ndaj të mirës mohues të jesh
Ç’të shtyri kundër udhëzimit të veprosh
Ç’të shtyri mendjemadh të mendosh
Ç’të shtyri fodull të shikosh
Ç’të shtyri xheloz të sillesh
Ç’të shtyri i mbrapshtë të bëhesh

Ç’bëre i mençur të hiqesh
Ç’bëre i lartë të ecësh
Ç’bëre i pavarur të flasësh
Ç’bëre i fuqishëm të hapesh
Ç’bëre më i mirë të ndjehesh
Ç’bëre i lavdëruar të lëvizësh

Ç’je, veçse një pikë
Ç’je, veçse mish e gjak
Ç’je, veçse baltë
Ç’je, veçse në “diçka” bëhesh
Ç’je, në baltë kthehesh
Ç’je, veçse krijesë!

- Çfarë! (A. Tafili)

by Drita Sun 19 Oct 2008, 15:38

Mos të lutem!

Të fillosh ditën, e ti jo
Të jetosh, e zemra e vdekur
Të dëgjosh, e zemra e shurdhët
Të shikosh, e zemra e verbët

Të lutesh, e fjalët në maje të gjuhës
Të adhurosh Zotin, e Ai i panjohur për ty
Të përulesh ndaj Zotit, e brendia jo
Të ndjesh, po vetëm trupin tënd

Të lexosh argumente, e ti i njëjti njeri
Të dëgjosh këshillën, e ti mendjemadh
Të komunikosh, e ti jo serioz
Të duash, e ti jo i sinqertë

Të ecësh mbi tokë, e ti i humbur në të
Të flasësh me njerëz, e ti kundër tyre
Të kërkosh gjithçka, e ti gjë s’merr
Të jetosh i gjallë, por i vdekur!

- Të lutem, mos! (A. Tafili)