Kujdes!! Dhuna e prindërve ndaj fëmijëve rrit rrezikun e sëmundjeve mendore

Dhuna fizike dhe psikologjike e prindërve ndaj fëmijëve rrit në mënyrë të drejtpërdrejtë rrezikun që më vonë tek ata të shfaqen çrregullime mendore, çrregullime të gjendjes shpirtërore, çrregullime të personalitetit, depresion dhe ankth. Rrahja e fëmijëve rrit rrezikun që ata të bëhen të dhunshëm, të konsumojnë alkool dhe drogë si dhe të shfaqin sjellje maniake.
Një studim i botuar së fundmi nga “Journal Pediatrics” duhet t’i bëjë prindërit të mendohen më me kujdes kur shtrijnë dorën drejt fëmijëve apo edhe në rastët kur ushtrojnë dhunë psikologjike ndaj tyre, si edhe  në rastët kur u bërtasin.
Kërkuesit morën të dhëna nga më shumë se 34.000 të rritur dhe zbuluan se të jesh qëlluar me shpulla në mënyrë të drejtpërdrejtë rrit rrezikun e zhvillimit të sëmundjeve mendore duke filluar që në adoleshencë.Në bazë të rezultateve, dhuna trupore shoqërohet me çrregullime të gjendjes shpirtërore, përfshi depresionin dhe ankthin, po ashtu çrregullimet e personalitetit dhe abuzimin me drogën dhe alkoolin. Ata llogaritën se rreth 7% e sëmundjeve mendore të të rriturve i atribuohen dhunës fizike në fëmijëri, si shuplakat dhe goditjet.
Studimi raporton se shuplaka rrit rrezikun e depresionit primar në 41%, përdorimin e alkoolit dhe drogës në 59% dhe sjelljet maniake në 93%. Sipas Tracie Afifi, profesor në Universitetin e Einnipeg, është e këshillueshme për prindërit dhe të gjithë edukatorët që punojnë me fëmijët, në asnjë mënyrë të mos ushtrojnë dhunë ndaj fëmijëve të çdo moshe, sepse lidhja mes dhunës fizike dhe çrregullimeve mendore është reale.Edhe pse sipas Akademisë Amerikane të Pediatërve (AAP), rreptësisht ndalohet goditja me shuplakë, nga shifrat e studimeve del, se më shumë se gjysma e prindërve në SHBA pranojnë se kanë dhunuar fizikisht fëmijët e tyre. Disa kërkues sugjerojnë se janë rreth 70-90% e nënave që kanë qëlluar me shpullë të paktën njëherë. Por një studim i botuar së fundmi nga “Journal Pediatrics”, mund t’i bëjë prindërit të mendohen më me kujdes kur shtrijnë dorën drejt fëmijëve. 
Dhunimi i fëmijëve nga prindërit në Shqipëri, sidomos në zonat rurale, vijon të mbetët një fënomen tepër shqetësues. Ka raste të përsëritura të dhunës ndaj fëmijëve dhe goditja me shuplakë është një fenomen thuajse i zakonshëm për shumë prindër. Shpesh herë është raportuar edhe për raste të dhunës ndaj fëmijëve në shkolla. Duke parë rrezikun e madh që sjell ky fenomen, prindërit duhet të shmangin në mënyrë kategorike dhunën fizike dhe psikologjike ndaj fëmijëve.