Si ndodhin shpërthimet e vullkaneve?

Shpërthimet nisin me daljen e magmës nga brendësia përvëluese e tokës. Disa vullkane vetëm sa nxjerrin lavë, që rrallë lëviz aq shpejt sa t’i zërë njerëzit në befasi. Por vullkane të tjera shpërthejnë me një fuqi të tillë që ia kalon edhe bombës bërthamore. Faktorët vendimtarë janë përbërja dhe veshtullia e materialit të shkrirë që ushqen vullkanin, si dhe sasia e gazeve dhe e ujit të tejnxehur që ka materiali.

Ndërkohë që magma i afrohet sipërfaqes, uji dhe gazet e rritin shpejt vëllimin. Kur përbërja e magmës është ajo e duhura, efekti është pak a shumë si shpërthimi i gazit që del nga një shishe me pije të gazuar. Fatmirësisht, shpesh, vullkanet japin shenja paralajmëruese. Sidoqoftë, nuk do të ishte aq tragjik nëse njerëzit nuk do t’i mbyllnin sytë para shenjave paralajmëruese.