Cjapi që të përshëndet

Një cjap i talentuar, i cili di t’i përshëndet njerëzit, ka hequr dorë nga mundësia për t’u shndërruar në yll. Pronari i këtij cjapi konsideron se fama do të mund të çrregullonte psikikën e tij.

Producentët e shout të popullarizuar britanik, “Got Talent”, ishin përpjekur të bindnin pronarin e cjapit Darren, që kafshën e tij të dërgonte të marrë pjesë në këtë shou. Pronari i cjapit ka refuzuar këtë ofertë, pasi që mendon se shfaqja para kamerave televizive dhe jurisë së këtij spektakli do të ishte e dëmshme për shëndetin e cjapit. Cjapi Darren, 8-vjeçar, është kafsha e preferuar në fermën “White Post”, në Farnsfield (Nottinghamshire), ku i përshëndet të gjithë vizitorët e kësaj ferme.