Doni të jetoni më gjatë nga sa mendoni?!

Vërtet jetëgjatësia e njeriut është rritur shumë gjatë shekullit
të kaluar si rrjedhojë e zhvillimit në shën detësi, arsim, parandalimin
e sëmundjeve etj, por
ajo që ndoshta nuk dini, është se zakone të vogla të përditshme apo
ngjarje dhe rrethana në të kaluarën tuaj, mund të ndikojnë se sa gjatë
dhe sa mirë do të jetoni. Studimi i fundit mbi jetëgjatësinë tregon
nëse jeni në rrugën e duhur për të jetuar sa më gjatë, dhe nëse jo,
këshillat për t’u përmirësuar.
SHENJA 1:
Nëse nëna juaj ka qenë nën 25 vjeç, atëherë ka gjasa që ju të jetoni
deri në 100 vjeç krahasuar me dikë që ka lindur nga një nënë me moshë
më të madhe. Sipas
shkencëtarëve nga Universiteti i Chicagos, gjatë riprodhimit marrin
pjesë vezoret më të mira të nënave të reja, duke dhënë kështu fëmijë më
të shëndetshëm.
SHENJA 2:
Ju pëlqen çaji? Si çaji jeshil dhe ai i zi përmbajnë doza të
koncentruara të katekinave, substanca që ndihmojnë enët e gjakut të
relaksohen dhe mbrojnë zemrën tuaj. Sipas një studimi të kryer tek
40.000 gra dhe burra në Japoni, tregoi se ata që pinin 5 apo më shumë
filxhanë me çaj jeshil kishin më pak tendencë të vdisnin nga sëmundjet
e zemrës apo infarkti. Studime të kryera me çajin e zi, treguan
rezultate të ngjashme.
Këshillë: Mjafton vetëm 1 apo 2 gota çaj si fillim për t’i bërë mirë
zemrës tuaj. Në çdo rast, sigurohuni që çaji të jetë i freskët. Nëse i
shtoni ujë, kini parasysh që katekinat fillojnë të shpërbëhen pas disa
ditëve. Gjithashtu, studimet tregojnë se po të shtoni qumësht, çaji i
humbet vlerat e tij. Kështu që shtoni vetëm mjaltë ose limon.
ECNI SHUMË
Njerëzit që janë në formë, pra ata që ecin përreth 30 minuta në ditë,
kanë gjasa të jetojnë më gjatë se ata që ecin më pak, pavarësisht nga
pesha e tyre trupore. Gjithashtu, gratë që janë mbi peshë mund ta
përmirësojnë shëndetin e tyre thjesht duke i shtuar 10 minuta aktivitet
rutinës së tyre të përditshme.
SHENJË 3:
Shkencëtarët në Boston zbuluan se edhe sikur të pini Coca Cola dietike,
ju e dyfishoni rrezikun për sindromën metabolike - që është një
përzierje gjendjesh fizike si tension i lartë, nivele të larta të
insulinës, tepricë dhjamore rreth zonës së belit, rrezik për diabet dhe
sëmundje zemre.
Këshillë:Pini çaj nëse keni nevojë për kafeinë, dhe nëse keni nevojë
për gaz, pini pak ujë mineral të përzierë me lëng frutash. Duke
kontrolluar presionin e gjakut, nivelet e kolesterolit dhe të sheqerit,
ju i keni shtuar 6-9 vite të shëndetshme jetës tuaj.
SHENJA 4:
Keni këmbë të forta? Të kesh gjymtyrë të forta do të thotë balancë e
mirë, fleksibilitet dhe rezistencë. Me kalimin e moshës, këta faktorë
janë të rëndësishëm për të parandaluar rrezikun e rrëzimit, dëmtimit,
frakturave etj.