Pegazi, kali me krahë

Pegazi ose Pegazus (greq. Pegasos, lat. Pegasus) është kali me krahë, i cili ka fluturuar nga trupi i Gorgona Meduzës kur trimi Perze ia preu kokën. Ka mundur të fluturojë me shpejtësinë e erës dhe ka jetuar në malet e larta, veçmas në Parnas në Fokidë dhe në Helikon në Beoti. Në zabelin e Helikonit, i kushtuar Muzeve, gjoja se një herë ka marrë në thua dhe atje e hapi burimin Hipokrenën.
Kur ishte i etshëm lëshohej nga reja te burimi Peirena në Akrokorint. Atje edhe e ka zënë kreshnikun Belerofont që me ndihmën e tij ta vrasë përbindëshin Kimera, e cila jetonte në humnerën e thellë të malit në Liki, në të cilën mund të shkelet vetëm nga ajri.
Pas vrasjes së Kimerës Pegazi mbeti në shërbim të Belerofontit. Kur Belerofonti vendosi që në shpinë të tij të fluturojë në Olimp, Zeusi, zoti suprem, e dënon këtë arogancë, duke ia lëshuar Pegazit tërbimin, kështu që Belerofonti nuk mundi të qëndrojë në të, u rrëzua në tokë dhe u çmend. Sipas disa autorëve të vjetër, baba i Pegazit konsiderohej krijuesi i kuajve, Poseidoni, zoti i detit.
Grekët me emër Pegaz e quanin edhe njërën prej hyllësive e cila kështu quhet edhe sot e kësaj dite. Më vonë Pegazin e përvetësuan poetët dhe në të fluturuan në Parnas te Muzat, por edhe në Helikon Hipokreni që atje të furnizohen me frymëzimin poetik. Piktura të tij nga antika janë ruajtur në një numër të madh nga kohërat e reja.