NJERIU DHE NATYRA 2 (LIBËR BAZË)

by **Naki** Mon 31 Jan 2022, 03:06

Libri “Njeriu dhe Natyra 2” është hartuar në bazë të plan-programit mësimor, sipas Kurrikulës së re të aprovuar nga Ministria e Arsimit, Shkencës dhe Teknologjisë së Kosovës. Ky libër është përgatitur për fushën kurrikulare: Shkencat e natyrës – Programi mësimor: Njeriu dhe Natyra.

Në libër bazë, janë dhënë njohuritë elementare të shkencave të natyrës përkatësisht të disiplinave: Biologji, Kimi, Fizikë dhe Gjeografi, të cilat trajtohen si një tërësi brenda lëndës mësimore Njeriu dhe Natyra 2, përkatësisht kapitujve: materia, vetitë dhe shndërrimet; bota e gjallë; proceset fizike; Toka, mjedisi dhe gjithësia. Përmes temave të trajtuara në lëndën Njeriu dhe Natyra, nxënësit inkurajohen të kuptojnë se si shkenca mund të përdoret për të shpjeguar fenomene të ndryshme të cilat ndodhin në mjedisin ku ata jetojnë.

Në fletore të punës janë dhënë detyra të ndryshme përmes të cilave synohet që nxënësit të zhvillojnë aftësitë e tyre në të kuptuarit më të mirë të mjedisit në të cilin ata jetojnë si dhe proceseve të ndryshëm natyrore qe ndodhin në atë mjedis.

Ministria e Arsimit, Shkencës dhe Teknologjisë e Kosovës e ka lejuar për botim dhe përdorim këtë tekst shkollor për klasën e dytë, me vendimin numër 145/01-b, të datës 27.06.2019.
Tekst i ribotuar sipas specifikave të lëndës së raportit të dorëzuar me NR.P: 1580, të datës 08.07.2020, Ministria e Arsimit, Shkencës dhe Teknologjisë.
***

Shtëpia Botuese “Dukagjini”
Hajdar Dushi, nr. 27
Prishtinë, 10 000
Republika e Kosovës

Linku ku mund ta shfletoni librin online KLIKO DHE LEXO