Vjersha femijesh

by Enya Sat 16 Jun 2007, 00:25

LIBRI I HISTORISË

Jam në klasë të katër
Nuk kam ardhë me hatër
Vetë unë kam mësuar
Dhe jam e dalluar!

Librat kam mbështjellur
Me letër të bardhë!
Njërin e kam zgjedhur
Librin më të rrallë.

Libri i Historisë
Të Atdheut tim
Më pëlqen më shumë
Dhe më jep gëzim!

Se aty kam gjetur
Gjëra që s’i dija!
Histori krenare
Ka Nënë Shqipërija!

Kohë e Skënderbeut
Kohë e mbretërisë
Dëshmort e Atdheut
Koha e lavdisë!

Libri i Historisë
Unë të dua shumë!
Histori e kombit
Shpesh më lë pa gjumë!

by Enya Sat 16 Jun 2007, 00:26

PULAT E KOTECIT TIM

Në kotecin tim të bukur
lyer pastër me gëlqere
Në telash pulat janë futur
Kë të zgjedhin brigadiere!

Mbledhja zgjati deri vonë
diskutimet keq janë ndezë
Pikaloshen propozojnë
sepse Gjeli s'bën as vezë!....

Në mesditë u ngrit një zogë
foli për të parën herë:
"- Për një gjel kemi nevojë!
T'a lëmë gjelin brigadier!"

I sqaroj me shumë kujdes
Të gjithë pulat mbyllën gojën!
E lanë gjelin brigadier
se ja kishin shumë nevojën!...

Nëse gjeli nuk bën vezë
çdo fëmij vetë e kupton.
Ama gjeli është sahat
edhe kohën lajmëron.

Ki ki ki ki ri ki ki!!!!
Zgjohen pulat në kotec.
Kush punon në Shqipëri???...
I thotë jetës:- mirëmëngjes!!

by Adem Berisha Wed 20 Jun 2007, 13:24

Arlind Gashi
Klasa v
Shkolla fillore
"vellezrit Frasheri"
Lipjan

MOTER E DASHUR DIELLZË

Në hapsiren shqiptare
një moter unë e gjeta,
vetë engjëllin e babushit Adem
motren time DIELLZA.

Ah, cfarë lule e bukur motra
më e mira në botë,
si motra ime DIELLZA
nuk lindet në këtë tokë.

Te dua dhe unë shumë
babagjysh Adem

by Adem Berisha Wed 20 Jun 2007, 13:31

Adem Berisha:
- për Arlind Gashin, kl. V-të fill.
"Vllezërit Frashëri" Lipjan

O Arlind i dashur
edhepse tej mase i emocionuar,
për Ty do shkruaj ca rreshta,
por më fal, ndoshta edhe të pakontrolluar.

O L I N D I !

O Lindi i dashur
Ty Zoti të bekoftë,
gjithë të mirat që ai ka
në trupin tënd i qoftë.

Me tërë forcen e tij
gjithëmonë ai Ty të mbroftë,
prindërit dhe gjithë të dashurit
përherë t'i gëzoftë.

Rritu porsi lulja
që kopshtin zbukuron,
porsi një yll drite
na ndriqofsh gjithëmonë.

Mësimit mos iu ndaj,
të jesh nxënës i mirë,
të gjithë prej teje presim
qe të bëhesh një YLL.

Për fund : Arlind i dashur, vjersha jote "Moter e dashur Diellzë" të cilen ia kushtove mbesës sime, atij engjëlli çfarë je edhe ti vetë, vërtetë tej mase më emocionoi dhe më bëri që duke qarë, të shkruaj këta rreshta.
Me atë vjershë, i dashuri Arlind, edhe Ti u bërë pjesë e shkrimeve të mia për Diellzen prandaj e njejta patjetër do të gjej vend në përmbledhjen time poetike "KRENARIA DHE PIKËLLLIMI" të cilen po më premtoi jeta, do ta botoj së shpejti. U rritësh në lumturi. I yti gjyshi Adem.

by Adem Berisha Wed 20 Jun 2007, 14:15

Adem Berisha:

Të lumtë Enya, ke shkruar poezi shumë, shumë të bukura. Mu më kanë pelqyer dhe impresionuar shumë. Janë përmbajtësore dhe shumë domethënëse. Kanë edhe rimen dhe muzikalitetin e poezisë. Lehtë lexohen, lexuesin nuk e lodhin, shpejtë dhe lehtë mësohen përmendësh dhe kënaqin veshin e dëgjuesit kur ato recitohen. Nuk janë të mveshura me shumëkuptimësi prandaj mund të komentohen dhe interpretohen vetem ashtu siç janë e jo siç kush e merr.
Eh, ndoshta nuk janë poezi "moderne" që mund të shkruash nja 12 sish brenda ditës, por megjithate unë do të preferoja të vazhdosh me këtë stil të shkrimit sepse këtë e kanë aplikuar dhe në mënyrë perfekte e kanë kultivuar edhe rilindasit tonë kombëtar të cilëve nuk besoj se "modernistët" do t'ua kalojnë. Shkruaj e mos u ndal se je e re, kur të bëhesh si unë, është vonë.

by Sihana Wed 20 Jun 2007, 18:57

MAMI E BABI
JANË SI NJË

Miku ka pesë
fëmijë si drita

Tri janë yllka e
dy petrita.

Ata kanë lodra
shumë

Tren, gjirafë,
arushë, majmun.

Fjalë pas fjale e
orë pas ore

U fol për
dashurinë prindore.

Rina bëri bë në
hënën

Se ajo më shumë e
do nënën.

Edlina e dyta iu
revanshua

-Unë babin më
shumë e dua.

Edvini në dorë
kish një majmun

Tha-asnjërin s`i
dua unë.

Edoni i vogël
picërroi sytë

-Unë i dua-tha-që
të dytë.

Venita e vogël
bënte sehir

-Ju asnjë s`e keni
mirë.

Unë e di nuk ka
kandar

Që peshon dashuri
të ndarë.

Mami e babi janë
si një

Më e madhja
dashuri.

Por këtu nuk
mbaroi mahia

Plot me gaz u
mbush shtëpia.

KUSH KËRKON
FALJE

I SHPËTON
VESHI

-Mos këtu e mos
aty!

Babi ma drejton
gishtin

Kështu po ia
nxjerr bishtin.

Ai i varë
mustaqet

Kur vonohem
n`lojë

Me orë s`më flet
me gojë.

Duke lozur me
motrën

Lëmsh i bëmë
kauçat

Me babin i prishëm
kapuçat.

Ma afroi gishtin
te hunda

E iu shtuan ca
rrudha balli

Edhe një herë
gabove-vajhalli.

NË KOPËSHT
ZOOLOGJIK

Një grup nxënësish
të klasës së tetë

Vizituan Shkupin
me prindërit e vet.

Vizitës së ditës
s`do t`i vëhej pikë

Po nuk e panë
kopështin zoologjik.

Artani shikonte
majmunin me habi

Dhe iu drejtohet
shokëve të tij:

-Shpesh mësuesja
më thotë majmun

Por majmuni nuk
qenka si unë…

Drenusha s`ka parë
dren në fushë

Tash pa frikë e
përgëdhel në gushë…

Rozafa vërtet ka
qafën e gjatë

Por assesi të
matet me gjirafë…

Duke shikuar
luanin, Luani tha:

Emër të fuqishëm
mami më dha.

Më tutjë mbi ujë
kërcente delfini

-Obobo çfarë
mrekullie, foli Drini.

Ecim tha më i
vjetri se po bëhet natë

Deri në Prishtinë
na pret rrugë e gjatë.

MENDOVA SA ISHA
NË DET

Mendova sa isha në
det

Si ta marr pak
det

Ta sjellë në
Kosovë

Për fëmijtë që
s`kanë lekë

Por edhe për
pleqtë

Që s`janë mirë me
shëndet

Thash si t`ia
marr

Pak det
Shëngjinit

T`ia falë
Dukagjinit

Pak rërë e ujë të
kaltër

Ta marr nga
Kavaja

Thash s`bëhet
belaja

Ta sjellë rrëzë
Qyqavicës

Për fëmijtë e
Drenicës

Kështu mendova
një vjet

Kur isha në
det.

SI U DJERSIT
DORDOLECI

Fëmijtë e
Polacit

Në kodër në
Radefc

Bënë një
dordolec.

Nën
sqetull

I vunë
fshesë

N`vend të
hundës

Një
spec.

Në vend të
syve

Dy
thëngjij

E në
kokë

Një
kusi.

Rreth tij
pastaj

Nisën
vallen

Dorë për
dore

Dikur u
gjuajtën

Me topa
bore.

Kur nga
jugu

Fryu një
puhi

Fëmijtë
dordolecin

E shikonin me
habi

Si u “djersit” i
tëri

E më vonë u
shkri.

keto poezi jane marre nga nje poet kosovar "HALIL XANI"

by Sponsored content

Vjersha femijesh

Vjersha femijesh

Re: Vjersha femijesh

MOTRES SË DASHUR DIELLZË

ARLINDI - YLL I ARDHMËRISË

POEZI QË IMPRESIONOJNË

Re: Vjersha femijesh

Re: Vjersha femijesh