Qyteti – miniaturë më i madh në botë (video)

Është modeli më madhështor i hekurudhave në botë dhe një nga ekspozitat më të suksesshme të përhershme në Gjermaninë Veriore. Ky është qyteti më i madh miniaturë, një mrekulli më vete, që është kthyer në destinacionin e mijëra turistëve.
Miniatur Wunderland, është një atraksion hekurudhor në miniaturë dhe më i madhi në botë në llojin e vet. Gjatë vitit 2011, hekurudha ishte 12.000 metra e gjatë. Ky qytet është vendosur në një shesh 6.400 metra dhe modeli përfshin 1.150 metra katrorë.

Ndërtimi i këtij qyteti – miniaturë filloi në dhjetor 2000. Projekti ishte krijuar nga vëllezërit Frederik dhe Gerrid Braun. Ndërkohë që pritet që projekti të përfundojë komplet në vitin 2020 dhe modeli të shtrihet në një hapësirë mbi 2.300 metra katrorë.

Ekspozita përfshin 890 trena të përbërë nga mbi 11.000 vagonë, 300.000 drita, 215.000 pemë dhe 200.000 figura njerëzish.

Gjithashtu, në këtë qytet gjigand në formë miniature nuk mungon as aeroporti, i cili është bazuar mbi modelin e aeroportit të Hamburgut.

Të gjitha mjetet por edhe lëvizja e figurave në këtë “qytet” kontrollohet nga 250 kompjuterë.

Për më shumë, ndiqni videon mbresëlënëse.