Sa ushqim duhet të hajë fëmija?

Të gjithë prindërit pyesin se sa duhet të konsumojë ushqim fëmija dhe nëse ai ka ngrënë mjaftueshëm. Se sa han fëmija, varet nga ajo se sa i jepni. Nëse fëmijës i shërbeni porcione më të mëdha, ai do të hajë më shumë. Nëse ia lëni fëmijës që vetë të shërbehet, ai do të mëtoj nga ajo që të marr aq sa i përshtatet moshës dhe gjatësisë së tij.
Kur fëmijës i shërbeni sasi dyfish më të madhe të ushqimit në krahasim me sasinë e përshtatshme për moshën e tij, ai do të hajë 25 për qind më shumë ushqim, derisa energjia do t’i rritet për 15 për qind.
Me këtë rritet madhësia e konsumimit të fëmijës. Me fjalë të tjera, sa herë që fëmija merr një kafshatë, ai vendos më shumë ushqim në gojë. Numri i kafshatave mbetet i njëjtë për të njëjtën moshë. Kur fëmija vetë e përcakton porcionin e vet, ai han për 25 për qind më pak se sa do të hante po qe se do t’i shërbenit një porcion më të madh.
Tek fëmijët më të vegjël, rritja e porcionit të ushqimit ka si rezultat rritjen e konsumimit të ushqimit, më shumë se sa i nevojitet fëmijës, çka qon në peshë të tepër. Më së miri është që t’ia lejoni fëmijës që vetë të zgjedh sasinë e porcionit të ushqimit që dëshiron ta hajë. Në këtë mënyrë, fëmija merr ushqim aq sa i nevojitet.
Shmangeni që fëmijës suaj t’i jepni ushqim të tepërt. Nëse fëmija është ende i uritur, ai mund të kërkoj ushqim shtesë. Prandaj, secili fëmijë duhet të ketë kujdes që mos t’ia imponojë fëmijës së vet ushqimin, por ta lë atë që vetë ta zgjedh sasinë e ushqimit që e konsumon.


/ ZERI /