Ramë Bllaca

Jeta

Për nga përmasat dhe rrezatimi në histori, për mese gjysmën e pare të shekullit që lamë pas, kryet e vendit e zë, sot e mot, Ramë Bllaca. Është kryefjale e historisë se Bllacës e çdo bllacjani. Është kryekëngë në këngët që jetojnë. Ai është i derdhur kudo në çdo rrëfim, në çdo bisede. Ai është pasaporta krenare e Bllacës, Suharekës e Kosovës. Ai është ai me të cilin krenohet historia shqiptare, me të cilin krenohet çdo shqiptar i mirë. Për Rame Bllacen është shkruar, por jo sa duhet. Është kënduar kënge për të prej të madhit këngëtare Rizah Bllaca, prej këtij këngëtari legjende në Kosovë i cili e këndonte edhe Lahutë e Malësisë dhe ia mësonte popullit. Rame Bllaca kishte dashuri për shkollën e dijen edhe pse vet ishte i pa shkollë, do të pohojmë se ai ia dinte fort mire vlerën e shkollës dhe për të njeriu i pashkolluar ishte si njeriu i verbër. Do të pohojmë këtu se ai ëndërronte shkolla, dije e kulturë për shqiptaret. Do të pohojmë këtu se ai i dërgoi në shkollë Qazimin, të birin e tij dhe Asllan Fazlia sepse i shihte si kapacitete me vlera të veçanta. Rame Bllaca është përmendore e qëndresës shqiptare, e dashurisë për trojet shqiptare e sakrificës për tokën e jetën shqiptare. Është përmendore, që koha e paqte që do të vije, veç do ta lartësoje dhe historia shqiptare do ta ruaje mire në gjirin e vet aty në panteonin e te mëdhenjve të këtij kombi.