Peshkimi dhe llojet e peshkut

Me qëllim të mbrojtjes së llojeve të veqanta dhe vazhdueshmërin e llojeve ekzistuese janë nxjerrur ligje të ndryshme në shtete të ndryshme. Po për këtë qëllim janë bërë edhe marrëveshje ndërkombëtare. Si do që të jetë për peshkim në Kosovë dhe Shqipëri duhet pasur të drejtën në bazë të cilit personi fizik apo juridik mund të merret me menaxhim të regjioneve apo zonave të peshkimit. Kjo bëhet pas paraqitjes së kërkesës oganeve përkatëse të cilat varrsisht nga qëllimi ekonomik apo sportiv-kreativ lëshojnë licencën e peshkimit e cila mund të lëshohet si

• Licencë për akuakultur - është e drejta për zhvillimin e aktivitetit të akuakulturës
  
  
• Licencë për peshkim ekonomik - është e drejta për peshkim ekonomik në regjionet e peshkimit;
  
  
• Leje për peshkim sanues - është e drejta që fiton shfrytëzuesi i të drejtues së menaxhimit për sanimin e gjendjes në ujërat e peshkimit;
  
  
• Leje për peshkim shkencor-hulumtues - e drejta e peshkimit për qëllime shkencore - hulumtuese; dhe
  
  
• Leje - është e drejta për peshkim sportiv-rekreativ
  
  

Liqeni i Ohërit dhe specia e rrallë e qujatur Trofta
Trofta e Ohrit, një peshk antik që jeton në një nga liqenet më të vjetra evropiane, po përballet me zhdukje për shkak të ndotjes së liqenit dhe peshkimit të tepërt, bën të ditur në një studim i revistës së njohur shkencore amerikane "National Geographic" . Revista shkencore amerikane "National Geographic" botohet në 64 gjuhë të Botës, dhe qarkullon thuajse në të gjitha shtetet e Botës. Kështu, që edhe ky paralajmërim, i Revistës shkencore amerikane "National Geographic" duhet marrë pajter si shumë seriozë dhe si një alarmë për të gjithë shkencëtarët dhe autoritetet e të të vendeve, ti dalin në ball kësaj fatkeqësie të rëndë natyrore, e cila rezulton sipas tyre deri në zhdukjen e sepcies më të rrallë në Botë, peshkut. të quajtur Trofëtë, Revista në fjalë i referohet mëtej një studimi, i cili vjen nga shkencëtarët ballkanas, të cilët thonë se edhe një ndalesë e propozuar pesëvjeçare për peshkim komercial nuk do të jetë e mjaftueshme për të shpëtuar këtë lloj peshku.
Liqeni i Ohrit, që shtrihet ndërmjet Shqipërisë dhe Maqedonisë, është formuar rreth tre milionë vjet më parë. Së bashku me liqenin Baikal në Rusinë juglindore dhe atë të Tanganjikës në Afrikën lindore, është një nga liqenet më të vjetra në botë. Liqeni i Ohrit arrin një thellësi prej 290 metrash(930 feet) dhe është i njohur si "muze i fosileve". Si i tillë është edhe thesar botëror trashëgimie i Kombeve të Bashkuara.
Sa vjet ka që është "banorë" i këtij Liqeni, Trofta ?
Trofta e Ohrit, një peshk i lashtë që jeton në liqenin më të vjetër të Evropës, është përballë zhdukjes, për shkak të ndotjes dhe të mbipeshkimit. Paralajmërimi vjen prej shkencëtarëve ballkanas që thonë se edhe propozimi për ndalimin pesëvjeçar të tregtimit, nuk është i mjaftë për të shpëtuar specien. I shtrirë midis Shqipërisë dhe Maqedonisë, liqeni i Ohrit, është formuar afro 3 milion vjet më parë. Sëbashku me liqenin Bajkal në Rusinë juglindore dhe Tanganikën në Afrikën lindore, është një prej liqeneve më të vjetër të botës. Me një thellësi deri në 290 metra, kjo zonë që hyn në Trashëgiminë Botërore të Kombeve të Bashkuara, njihet gjithashtu edhe si "muzeum i fosileve të gjalla". Është një strehë për krijesat që vijnë prej periudhës së terciarit e që gjithkund kanë vdekur për shkak të epokës së akullnajave.
Trofta!!!Cili është ky peshk i rrallë ?!?
Kushërinjtë më të afërt të specieve si trofta e Ohrit (Salmo letnica) mbijetojnë vetëm si fosile. Liqeni 30 kilometër i gjatë, përmban sëpaku 146 specie endemike, ku përfshihen 17 lloje peshqish. Shkencëtarët thonë se ky koleksion unik i botës së egër që është zhvilluar i izoluar përgjatë miliona vjetëve tashmë kërcënohet me zhdukje për shkak të forcës njerëzore. Trofta e famshme e Ohrit, një delikatesë vendase që rritet mbi 11 kilogram, tashmë është në qendër të këtij shqetësimi. Ndërsa numri i tyre ka qenë i shtuar nëpërmjet rritësve përreth liqenit që prej vitit 1930, binjakët e kërcënimit, ndotja dhe mbipeshkimi, tashmë e vënë në dyshim mbijetesën e saj.
Trofta, një specie e rrallë në rrezik!!!
Popullata e rritur ka rënë ndjeshëm ndërsa rritësit kanë mundësi të mbledhin vetëm gjysmën e vezëve që nevojiten për të plotësuar numrin e duhur. "Është tejet e qartë se peshqit në Liqenin e Ohrit janë në një rrezik imediat ndaj duhet të merren masa për veprim të menjëhershëm. Të gjitha të dhënat tregojnë se popullata e troftës është në rënie të madhe", thonë shkencëtarët në një raport më të fundit në Projektin për Ruajtjen e Liqenit të Ohrit (LOCP). I financuar nga Banka Botërore, projekti filloi më 1996 me qëllimin ruajtjen e biodiversitetit të liqenit. Peshkatarët e tregtimit - ka afro 90 vetëm në bregun verior të liqenit - nxjerrin afro 80 ton në vit. Shumë peshkatare ilegalë veprojnë në liqen, kryesisht nga Shqipëria. Në përgjigje të shqetësimeve të ngritura, qeveria maqedonase ka mbështetur një propozim që ndalon gjuetinë për pesë vjet.
Shpëtimi i Liqenit të Ohrit !
Shkencëtarët, thonë se duhet pasur parsysh ky problem, i cili duhet trajtur në adres të institucioneve të cilat të zgjidhin këtë problem. Për këtë qëllim shkencëtarët e të të dy vendeve, kanë kërkuar bashkëpunim midis Shqipërisë dhe FYROM(IRJM). Ndërsa një ndihmë të madhe në shpëtimin e kësaj specie dhe ruajtjen natyrore të Liqenit të Ohrit, po jep Baka Botërore, e cila ka ofruara për gjashtë vjetet e ardhëshëm një shumë prej 4,2 miljon dollarësh amerikan. Sipas një studimi , rreziku më i madh për këtë liqen dhe sepeciet e tija, janë derdhjet e fosforit. Në vit aty derdhen nga rrjedhjet e ujrave dhe shirat rreth 150 ton fosfor. Një problem tjetër i cili po studiohet me kujdes, janë turistët. Këtë Liqen e vizitojn rreth 200 mijë turistë, të huaj dhe të brëndëshëm në vit, të cilët peshkojn ose ndotin pa ndonjë rregullore të përcaktuar mirë Liqenin. Prandaj edhe duhet që disa gjëra të harmonizohen mirë, midis ambjetalistve të Shqipërisë dhe FYROM-it. Gjermania dhe Zvicera, thotë një shkencëtar vendas, kanë treguar interes për të kontribuar në ruajtjen e vlerave të mëdha që ka Liqeni i Ohërit.


National Geographic:"Fossil Trout" Faces Extinction in Balkans,
Experts Warn

NJË DELIKATESË E RALLË
Trofta e Ohrit, jeton vetëm në këtë liqen të Maqedonisë dhe çmohet shumë nga peshkatarët dhe ekspertët e ushqimit. Peshku është identifikuar si i një lloji të veçantë në vitin 1924.
Ky peshk gjendet vetëm në liqenin Ohër, i cili është krijuar në Kohën e Akullit dhe ujërat e të cilit janë aq të pastra sa fundi i liqenit mund të shihet edhe në thellësi prej 10 metrash.
Për shekuj trofta ka qenë ushqim kryesor për fshatarët dhe peshkatarët të cilët jetonin përreth ujit, me rezerva të mëdha deri në kohët e fundit. Deri në të tetëdhjetat, rreth 220 ton trofta janë kapur çdo vit dhe nuk ishte e pazakontë që peshkatarët të kapnin trofta pesë kilogramëshe.
Por dy dekadat e fundit nuk kanë qenë të mira për këtë lloj peshku.
Që nga shkatërrimi i Jugosllavisë, shkatërrimi i rregullave, peshkimi i tepërt dhe paraqitja e llojeve nga jashtë kanë pasur efekt katastrofal.
Kompania e Troftës në Ohër, kompania maqedone në krye të peshkimit komercial deri në vitin e kaluar, përdorte roje për të mbrojtur resurset natyrale të liqenit. Por kur qeveria përfundoj marrëveshjen me këtë kompani në mars 2004, rojet gjithashtu u zhdukën.
Kapjet kanë shënuar rënie dramatike. Në vitin 1996, Unioni i Botës për Konservim vendosi këtë peshk në Listën e Kuqe të llojeve të rrezikuara.
Në shkurt 2005, qeveria e Maqedonisë më në fund ndërmori masa dhe vendosi ndalim të përgjithshëm të peshkimit në këtë liqen.
Megjithatë, peshkimi ka vazhduar edhe më tutje. Një rrjet i kontrabanduesve dhe blerësve siguron se çdokush me mjaft të holla – përfshirë edhe politikanët dhe njerëzit e tjerë të famshëm – vazhdojnë të ushqehen me troftën e Ohrit në shumë restaurante të vendit.

Peshkataret rus kanë zënë ne detin Azov një peshk rreth 100 kg.
Pesha e peshkut nuk i ka cuditur fare peshkataret por pamja e tij e çuditshme. Kjo pamje ata i ka befasuar aq shumë sa ata menduan se kishin zënë një peshk - Alien!


Një kallamar 10 metra i gjatë dhe me një peshe 450 kilogram, është zënë nga peshkateret zelandez.
Ky është kontakti i parë midis një gjiganti te tillë te kallamareve dhe njerëzve.
Ky lloj kallamari Mesonychoteuthis hamiltoni jetom ne thellesite e antarktikut prej 1000 deri ne 2000 km.


Kapet egërsira e detit në ujërat mes Karaburunit dhe Sazanit
VLORË – Brigjet shqiptare po kërcënohen gjithnjë e më shumë nga kafshët e rrezikshme të detit në prag të fillimit të sezonit turistik. Një peshkaqen tjetër rreth 450 kg është kapur pasditen e djeshme nga një peshkarexhë, e cila ka dalë për peshkim në zonën ndërmjet Karaburunit dhe Sazanit. "Musobarka Adrian", - peshkarexha, e cila ka transportuar egërsirën e pazakontë për këto ujra, ka qenë në momentet e mbledhjes së rrjetave, kur peshkatarët kanë parë jo pa habi së bashku me gjahun e ditës, në rrjetat e tyre edhe peshkaqenin.

Teksa kanë mbledhur rrjetën si zakonisht ata janë çuditur kur kanë parë që kësaj radhe kanë kapur dhe "peshkun" e rrallë. Ai ishte i gjatë rreth 4,2 metra dhe peshonte 400 kg. Sipas peshkatarëve, kur kanë hedhur peshkaqenin në anijen e tyre, ata kanë vërejtur se në të ka ngecur dhe një grep, i cili ka këputur fillispanjën. Edhe pse pohojnë se nuk kanë shumë njohuri për specie të tilla, peshkatarët thonë se specia e rrallë dikur në ujërat e Adriatikut, kishte një dukje të frikshme. Sipas dëshmive, peshkaqeni nuk ka patur dhëmbë me majë, por në formë sharre.

Kjo është hera e parë për këtë vit që kapet peshkaqen në brigjet e Vlorës, ndërkohë që sipas peshkatarëve vitin e kaluar, të tillë janë parë në zonën e Himarës. Ndërsa në Durrës dhe Shëngjin gjatë këtij viti janë shënuar të paktën 6 raste, ku shumica prej tyre kanë qenë peshkaqen-tigër.

Paisjet e sukseshme per peshkimin
Pse duhet të investoni në marka të ashtuquajtura me cilësi të mirë, kur mund të merrni “pajisje” nga tregjet apo tezgat e tregut çam, paksa vende të dyshimta, por të nevojshme për një peshkim të mbarë. Nuk do të bëni asgjë në qoftë se ende vrisni mendjen pse ai tjetri ka pajisje më të shtrenjta. As peshkut nuk i intereson kjo gjë! Për të mos u bërë ju protagonisti i ditës që të ziheni për vendin ku do të peshkoni, ONE ju rekomandon në këtë fillim sezoni të gjuetisë së peshkut, “të mblidhni mendjen” dhe të zgjidhni kallamin me freksion që mendoni se ju shërben më së miri:

Kallami
Si kallama të mirë ju rekomandojmë: për një peshkim të lehtë, në vende që gumëzhijnë dhe plot me grepa është i këshillueshëm një kallam teleskopik prej 5 - 7 m.
Për peshkimin me karrem: kallami prej 2,10 - 2,40 m, me aksion maksimal prej 50 gr.
Për një peshkim të mesëm në lumenj apo përrenj: kallam prej 3,50 - 4,50 m, me aksion prej 30 - 60 gr.
Për peshim të rëndë me plumbçe, në liqen apo det: kallam prej 4 m, me aksion prej 100 - 120 gr.
Për ngjala apo peshq me forma gjatësore: kallami prej 4,50 - 5,40 m me aksion prej 200 - 450 gr.
Është e rekomandueshme të niseni me rrathë prej 2 - 3 elementesh, për të pasur sa më shumë avantazhe për sa i përket përdorimit në mënyrë që të ulet fërkimi dhe më ekzakt i së parës në kthesën fundore të kallamit (më pak të rrethit së parë te doreza).

Rrotullat
Rekomandohen të merrni rrotulla me maksimum 4 rrula – nga ato që janë të përbëra nga koronë dhe pinion.
Është mirë gjithashtu, të keni rrotulla prej materiali metalik (tambur metalik), pasi kjo e tërheq më mirë fildispanjën. Dhe kuptohet, është në dorën tuaj të mbani rrotulla të madhësive të ndryshme, ndërsa numri i tyre duhet të jetë i njëjtë me atë të kallamave.

Fildispanja
Këtu ngelet çdo gjë në dorën tuaj, në funksion të kallamave dhe të rrotullave që keni në administrim. Gjithashtu, vendi ku do të peshkoni është tepër i rëndësishëm për zgjedhjen e fildispanjës. Bëhuni i vendosur në funksion të llojit që do të zgjidhni: me pluskim, me plumbçe, wobler apo twister. Në funksion të gjithë këtyre, fildispanja mund të jetë nga 0,12 deri në 0,50.

Këshilla praktike
1.Peshku i freskët mund të verifikohet: në qoftë se do të vihet në një vaskë me ujë dhe bie poshtë, do të thotë se është i mirë.

2.Në qoftë se peshku i freskët mban shumë erë, mbahet 1 orë në ujë të ftohtë dhe uthull (2-3 lugë uthull në 1 litër ujë).

3.Në përgatitjen e havjarit (vezëve të peshkut) është mirë të përdorni me patjetër ujë mineral apo ujë sifon të ftohtë, pasi i bën më të shkrifëta.

4.Krapi ka halën e shtyllës kurrizore në formë trekëndore me shije të hidhur, pikërisht e ndodhur në vendin ku lidhet shtylla kurrizore me kokën, më shumë; kjo duhet hequr përpara nxjerrjes së peshkut në tavolinë.

5.Krapimund të pastrohet nga luspat më lehtë në qoftë se zhytet në ujë të zjerrë për disa sekonda.

6.Për të ruajtur ëmbëlsinë e peshkut, peshku i pastruar nuk mbahet në ujë por shpëlahet shpejt.

7.Peshku në zgarrë mund të fërgohet vetëm me verë të bardhë; vera e kuqe i jep peshkut një shije të keqe.

8.Peshku pastrohet lehtë nga luspat, në qoftë se e futim në ujë të vakët dhe më pas me ujë të ftohtë me presion.

9.Në përgatitjet me peshk shërbehet vetëm verë e bardhë shqeto.

Për garniturat me peshk shërbehet vetëm në pjata ovale. Mund të rrethohet peshku nga fletë të vogla majdanozi të shoqëruara me limonë dhe ullinj.

10.Vezët e peshkut mund të ruhen lehtësisht të përziera me shumë kripë.

11.Përpara se ta skuqni peshkun, njomeni paksa në lëngun e një limoni. Në këtë mënyrë, peshku do të bëhet më i fortë dhe nuk do të shkërmoqet.

12.Kripa dhe thartësirat bëjnë që peshku të koagulohet më shpejt dhe substancat albuminoide të tij të mos ndahen pjesë-pjesë.

13.Njëherësh i ngrirë, peshku nuk mund të futet sërish në frigorifer. Jo vetëm që humb cilësitë ushqyese, por nuk ka as shije

Peshku Macë

Shumëkush nuk e di se peshqit ndërtojnë fole dhe sigurojnë mbrojtje për të vegjlit e tyre vazhdimisht. Këto fole, zakonisht, janë vrima në formacione gurësh ose në rërë. Vezët qëndrojnë në këto fole të hapura për disa kohë, ndërsa nëna dhe babai vëzhgojnë me radhë vezët për t’i mbrojtur nga grabitqarët.

Peshqit mace janë ndër ato krijesa që mbrojnë të vegjlit e tyre. Peshku mace femër lëshon vezë në fund të bimëve dhe kallamave në ujërat e cekëta. Vezët ngjiten pas rrënjëve të këtyre bimëve. Pas disa minutash, femra largohet nga vezët dhe është radha e mashkullit të marrë detyrën. Detyra e mashkullit është të qëndrojë pranë vezëve dhe t’i ruajë nga rreziku. Kjo detyrë zgjat për afro 40-50 ditë, derisa peshqit e vegjël të rriten.

Përveç kësaj vigjilence, mashkulli lëshon edhe një tingull gurgullime duke përdorur gushën e tij. Në këtë mënyrë ai mban larg vezëve peshqit e tjerë grabitqarë. Ai e di që ky tingull i frikëson peshqit e tjerë dhe i detyron ata të largohen.

Allahu i frymëzon peshqit mace të mbrojnë të vegjlit e tyre në këtë mënyrë. Si të gjitha krijesat e tjera, ky lloj peshku vepron sipas instikteve që Allahu ka vendosur tek ai.