Pëllumbat njohin njerëzit

Zogjtë janë në gjendje të njohin fytyrat e njerëzve me të cilët janë në kontakt të vazhdueshëm. Të paktën kështu pretendohet nga një studim i kryer nga një ekip shkencëtarësh të Universitetit të Lincolnit, në Britaninë e Madhe dhe të Universitetit të Vjenës, të cilët kanë studiuar sjelljet e pëllumbave.
Studimi i publikuar në revistën “Avian Biology Research”, ka evidentuar se pëllumbat arrijnë të njohin qeniet njerëzore të afërta dhe jo të afërta. Ekipi i shkencëtarëve ka stërvitur fillimisht një grup pëllumbash që të njohin diferencën mes fotografive të objekteve familjare dhe fotografive të objekteve të panjohura.
Më pas këtyre pëllumbave u janë treguar fotografitë e disa çifteve: një fytyrë ishte shpesh në kontakt me zogjtë, ndërsa tjetra ishte e panjohur për ta.
E njëjta gjë është bërë dhe për grupin e zogjve të pastërvitur paraprakisht për të njohur objektet familjare. Në përfundim, zogjtë që ishin stërvitur ishin në gjendje të njihnin dhe klasifikonin personat familjarë duke përdorur vetëm fytyrat. /Zeri.info/

E vertete eshte kjo kete e kam pare vete tek nje Prishtinas i cili kishte ca pellumba dhe ishin trajnuar apo ishte instikt i tyre nuk e di por qe njohnin personin ishte e vertete.