Malet Dinarite

Dinaritet janë male në Gadishullin Ballkanik që shtrihen prej linjës Lubjanë-Goricë në veri deri te vija dislokative Pejë-Shkodër. Duke shkuar në jug të Sharrit, ky kompleks malor merr drejtimin meridional dhe njihet me emrin Helenide ose Pindet.
Dinaridet bien pjerrtas në Detin Adriatik. Nga ana e detit kanë pamjen e vargmalave mjaft të larta, të cilat në drejtim të brendshëm, përkatësisht kah Fusha e Panonisë ulen gradualisht. Dinaridet perëndimore, jo vetëm që diferencohen për kah pjerrtësia, lartësia, por edhe për kah ndërtimi gjeologjik homogjen.
Formacionet e trasha e gëlqerorëve të mesozoikut, me shumë forma e bëjnë mjaft karakteristike dhe individuale. Dinaridet Lindore përkundrazi në ndërtimin e tyre, edhe pse gëlqerorët e mesozoikut kanë përhapje të madhe, prania e shisteve dhe shkëmbinjve ranorë të palezoikut në fundament e bëjnë më të ndryshuar dhe më të veçantë.