Disa këshilla për kafshët !

Macet kanë instikt vrasës
Hulumtimi i kryer nga Universiteti i Edinburgut pohon se macet kanë tipare të ngjashme të personalitetit me grabitqarët e mëdhenj.
Studimi gjithashtu pohon se macet pavarësisht që duken bukur dhe janë të pastra, fuqia e shikimit në sytë e tyre është ndoshta instikti i tyre vrasës.
Hulumtuesit nga Universiteti i Edinburgut kanë hulumtuar tipare të karakterit të pesë maceve shtëpiake dhe kanë krahasuar sjelljet e tyre me macet e egra që janë të mëdha si luanët.
Studimi gjeti se racat e ndryshme kishin të njëjtat karakteristika të forta në lidhje me dominimin.

Disa fakte interesante që nuk i dinit për macet
Nëse ju mendoni se dini çdo gjë rreth maceve, do ta zbulojmë së bashku në qoftë se keni të drejtë.
Sa nga këto gjëra janë një mister për ju? Le ta zbulojmë.
A e dini se të gjitha macet kanë sy të kaltër kur lindin? Disa mbajnë këtë ngjyrë, ndërsa të tjerat e ndryshojnë nga java e dymbëdhjetë të jetës.

Një tjetër tipar i tyre ka të bëjë me gëzofin: Nëse është me 3 ngjyra duhet të zgjidhni një emër në gjininë femërore, sepse gëzofi në tri ngjyra, është një tipar që është gjetur vetëm në macet.
Thuaj mace dhe kujto mbajtjen e ekuilibrit. Sa herë jemi habitur se si macja është në gjendje për të lëvizur në hapësira shumë të ngushta dhe për të kalibruar pothuajse gjithmonë hedhje të përsosur? Arsyeja për këtë kapacitet të madh qëndron tek mustaqet.
Mustaqet, janë në fakt një mjet i rëndësishëm me të cilin macet mbledh informacione të rëndësishme për të kapur praninë e pengesave dhe për të kuptuar format dhe cilësitë, pa i prekur ato.

Njiheni motin nëpërmjet reagimeve të gjallesave
Shumë kafshë kanë reagime të ndryshime për ndryshime të motit
Kur dallëndyshja fluturon ulët, paralajmëron kohë të keqe. Nëse fluturon duke bërë ulje-ngritje, atëherë furtuna po afron.
Kur harabelat mblidhen grumbull në tokë dhe shpupuriten në pluhur, pritet kohë me shi.
Para shiut, bletët qëndrojnë në zgjua dhe gumëzhijnë, milingonat mbyllin me shpejtësi hyrjen e folesë, ndërsa mizat futen në shtëpitë e njerëzve. Sa më të larta janë pirgjet e dheut që milingonat hapin në vjeshtë, aq më i ashpër është dimri.
Qeni, para se të nisë shiu, gërmon tokën fort me thonj. Kur ndien se do të bëjë mot i ftohtë, ai shtrihet përmbys dhe përpara kohës së nxehtë, ai shtrihet në shpinë.

Qentë, megjithatë, i dallojnë ngjyrat
Ekziston mendimi i zakonshëm i etabluar (si duket i gabuar) që qentë shohin vetëm bardhë-e-zi dhe që përdorin nivelet e ndryshme të dritës për të identifikuar konturat e objekteve. Shkencëtarët rus kanë dëshmuar që qentë jo vetëm që shohin ngjyrat e caktuara, por edhe që e përdorin atë spektër për të dalluar objektet.
Më herët trajnerët e qenve kanë shmangur përdorimin e objekteve të ngjyrosura. Megjithatë, hulumtimet e reja tani mund të avancojnë trajnimin e qenve dhe atë se çfarë mund të mësojnë.
Ekipi i hulumtuesve nga laboratori për veprim senzorik në Akademinë ruse të shkencave ka testuar shqisën e shikimit të tetë qenve të madhësive dhe racave të ndryshme. Synimi ka qenë që ta zgjerojnë hulumtimin e vitit të kaluar në Universitetin në Washington, në të cilin shkencëtari Jay Neitz ka kryer eksperimentet në qentë për të vërtetuar nëse mund të shohin apo jo ngjyrat.
Kishte zbuluar që derisa sytë njerëzor kanë tre "kone" të cilat detektojnë ngjyrën dhe mund të dallojnë të kuqen, të kaltrën, gjelbrën dhe ngjyrën ew verdhë të çelët, qentë kanë vetëm dy, çka do të thotë që mund të dallojnë të kaltrën dhe të verdhën, por jo të kuqen dhe të gjelbrën.
Shkencëtarët rus kanë ngjyrosur katër fleta letre në ngjyrat e ndryshme: të verdhë të mbyllët dhe çelët dhe të kaltër të mbyllët dhe çelët. Nuancat e mbyllëta dhe të çelëta janë përdorur për t'u testuar teoria që qentë të përdorin nivelin e dritës për të dalluar objektet.
U deshën vetëm tri testime që qentë të mësojnë se pas cilës ngjyrë gjendet kutia me ushqim, transmeton Koha.net. Gjashtë prej tetë qenve kanë zgjedhur ngjyrën e duhur me saktësi prej 90 deri 100 për qind.
“Kemi dëshmuar që tetë qentë e patrajnuar kanë reaguar shumë më mirë kur përveç nivelit të dritës u janë ofruar informatat edhe për ngjyrën. Rezultatet tona tregojnë që nën kushtet normale të dritës informata për ngjyrën mund të jetë dominuese edhe për kafshët të cilat kanë vetëm dy lloje spektrale të fotoreceptorëve”, kanë deklaruar shkencëtarët. /Telegrafi/