Majlinda Kelmendi pushton Turqinë

by epanjohura Fri 28 Mar 2014, 23:14

Majlinda Kelmendi pushton Turqinë, fiton medaljen e artë ne Judo Grand Prix, Samsun 2014

Majlinda Kelmendi e ka fituar medaljen e artë në turneun Grand Prix, Samsun 2014. Pejania në finale të kësaj gare, në kategorinë deri në 52 kilogram, mundi xhudisten nga Italia, Odette Giuffrida me ippon.

Majlinda Kelmendi nuk ka të ndalur. Pas triumfit në turneun prestigjioz Grand Slam “Parisi 2014’, xhudistja pejan kafituar medaljen e artë, në turneun Grand Prix, Samsun 2014, i cili po mbahet në Turqi.
Kosovarja në finale të kësaj gare, në kategorinë deri në 52 kilogram, mundi xhudisten nga Italia, Odette Giuffrida me ippon.
Për të arritur deri në finale Kelmendi nuk e pati të lehtë. Shorti përcaktoi që ajo të jetë pjesë e Grupit A në Grand Prix, Samsun 2014

Në raundin e parë nuk pati kundërshtar. Kurse, në të dytin u përballë me rumunen Larisa Florian,, të cilën e mposhti pa problem. Në çerekfinale Kelmendi përball pati xhudisten nga Ukraina, Mariia Buiok.
Edhe në këtë luftë pejania ishte e suksesshme, derisa doli fituese e Grupit A. Në gjysmëfinale Kelmendi u ndesh me gjermanen Romy Tarangul,të cilën e kaloi pa problem dhe u kualifikua në finale.

Pejania në finale të kësaj gare, mundi xhudisten nga Italia, Odette Giuffrida, dhe fitoi medaljen e artë në turneun prestigjioz Grand Prix, Samsun 2014.
Kelmendi suksesin më të madh e kishte arritur vitin e kaluar kur ishte shpallur kampione e Botës në kategorinë 52 kilogramë në Kampionatin Botëror i cili ishte mbajtur në Rio de Janeiro.

Burimi: Gazetaexpress
Majlinda Kelmendi pushton Turqinë _57464028_majlinda

Majlinda Kelmendi pushton Turqinë _57464028_majlinda

by **Naki** Fri 28 Mar 2014, 23:15

I lumte

by albi Sat 29 Mar 2014, 14:02

Majlinda Kelmandi i dha shum Kosoves po qka i dha kosova Majlindes

by epanjohura Sat 29 Mar 2014, 15:13

Edhe nje sukses nga Shqiptaret:
Haxhi Krasniqi është shpallur kampion i botës (WBO International) në peshat gjysmë të rënda, pasi ka mposhtur me nokaut (KO) Emmanuele Danson.

Në këtë ndeshje Haxhi Krasniqi, i cili në Gjermani njihte si Robin Krasniqi për shkak të nënshtetësisë gjermane që ai posedon, hyri si jofavorit.

Kjo për shkak se Emmanuele Danso, kundërshtari i mbrëmjes është mbret i nokauteve (KO), por jo më - pasi që Haxhi Krasniqi ja ka bërë bajat.

Nuk ka pasur asnjë gjasë Danso ndaj boksierit tonë, i cili në raundin e shtatë arriti ta rrëzojë në dysheme duke e lënë atë pa asnjë gjasë për t'u ngritur në një KO të radhës nga Haxhiu.

Ky ishte dueli i 44-të për Haxhiun, e 41 prej tyre i ka fituar dhe vetëm tre i ka humbur, dy humbje prej të cilave i pësoi në fillim të karrierës si profesionsit.

Dueli u zhvillua në Potsdam dhe kjo ishte disfata e parë e Dansos. Në duelin e radhës kampioni i ri i WBO International do të takohet me Sergey Kovalev, një tjetër kampion bote i pamposhtur.

Titulli i kampionit të botës WBO International për Haxhi Krasniqin ndoshta është edhe një dhuratë e vogël për të, para ditëlindjes që ai e feston më 1 prill. /Telegrafi/
Majlinda Kelmendi pushton Turqinë Haxhi-krasniqi-kampion-i-bot-euml-s_hd