Legjenda Apo të Vërtetat mbi Sirenat....

Në Izrael shfaqet një sirenë, të jetë e vërtetë?

Banorët dhe turistet ne qytetin e Kiryat Yam janë drejtuar drejt bregut me shpresën për të parë krijesën që shumë njerëz besojnë që ekziston vetëm në përralla. Një sirenë, që thuhet se përngjan me një kryqëzim ndërmjet një peshku dhe një vajze të re, shfaqet vetëm në perëndim. Bën disa lëvizje për të dëfryer shikuesit, dhe me pas zhduket. Një prej personave të parë që panë sirenën, Shlomo Cohen, tha: "Unë isha me miqtë kur papritur ne pamë një vajzë të shtrirë në rërë në një mënyrë të çuditshme. Në fillim mendova se ishte një plazhiste, por kur ne iu afruam ajo u hodh në ujë dhe u zhduk. Të gjithë mbetëm të shokuar pasi pamë që ajo kishte një bisht."

Shfaqjet e sirenës kanë filluar përpara disa muajsh. Qeveria e Kiryat Yam ka ofruar një shpërblim prej 1 milion $ për të parin person qe do të fotografojë krijesën. Zëdhënësi Natti Zilberman mendon se paratë e shpenzuara për shpërblimin janë të shpenzuara mirë. "Unë besoj se nëse është vërtetë një sirenë, atëherë aq shumë njerëz do të vijnë të na vizitojnë sa do të mblidhen shumë më shumë para se sa 1 milion $." Sigurisht, nëse sirena nuk ekziston, ndoshta mund të jetë mashtrim, një iluzion optik apo një perceptim jo i qartë i një kafshe të njohur, atëherë paratë e shpërblimit do të mbeten të paprekura, dhe gjithsesi ekonomia e vendit do të përfitojë nga fluksi i personave që do të vërshojnë për të fotografuar sirenën.

Nuk është e qartë se çfarë po shohin njerëzit, megjithëse fuqia e sugjestionimit dhe imagjinimit mund të jetë e fortë. Identifikimi i kafshëve në ujë ka qënë gjithmonë problematik, pasi dëshmitarët shohin vetëm një pjesë të vogël të krijesës. Sirenat kanë qënë gjithmonë një diçka joshëse. Ka patur shfaqje të ndryshme sirenash në histori. Shumica e tyre janë mite dhe legjenda, si ato historitë për gra të reja të bukura që martoheshin me marinarë, por që me pas ata zbulonin që ato ishin sirena. Raportime të tjera janë me qindra vjet më parë dhe nuk ofrojnë të dhëna. Ndërkohë që mashtruesit kanë punuar shumë për të kënaqur urinë e publikut për sirena, dhe fakti që nuk është gjetur asnjë deri tani është vetëm një diçka e vogël e parëndësishme.

Shoëman-i i madh P.T. Barnum, paraqiti një sirenë përpara një grupi njerëzish të ngelur me gojë hapur në vitet 1840. Sirena e tij e famshme nuk ishte një sirenë. Në fakt, koka dhe kraharori i një majmuni të vogël ishin transplantuar në trupin dhe bishtin e një peshku. Ishte e çuditshme dhe sigurisht si asgjë tjetër që kishin parë më parë, por shumë larg nga ajo që sugjerohej që sirenat të ishin femra të bukura dhe gjysmë të zhveshura. Edhe plot sirena të tjera fallso u shfaqen përgjatë shekujve. Ndërkohë mbetet ende për tu parë nëse kjo sirenë është e vërtetë apo jo.