Heroinat shqiptare

by Vizitor Thu 23 Aug 2007, 15:27

Po e filloj nga nena sepse ajo eshte burimi i jetes.

Nena
E vuajtur ndër shekuj!
E rrahur nga erërat e kohërave!
E larë nga lotët e dhimbjeve!
E gjakosur nga historia!

Gjak, gjak, era gjak vjen kudo!
Nëna e gjorë mbyll sytë,
s’do të shohë në të kaluarën.
Por, zemra e shkretë
nuk është kasetë;
sot incizo, nesër fshij e harro!!!

Nënë Tereza

Shpirtbardhë si një engjell!
Shpirtemadhe sa një tempull!
I ndihmoi gjithë njerëzisë!
Ia zbardhi fytyrën gjithë shqiptarisë!

Emër të madh la prapa!
Gonxhe Bojaxhiu u bë Nënë Terezë.
Duke luftuar kundër vuajtjes dhe varfërisë,
gjeti bekimin e gjithë njerëzisë.

Teuta

Mbretëreshë e lashtë
në historinë tonë.
Mijëra kilometra larg,
por në zemrat tona rron.

Emër i lashtë në histori!
Femra ilire në qeveri!
Prijëse në paqë edhe në luftë,
shembull për ardhmëri.

Shote Galica

Doli nga zemra e Drenicës!
Luftoi në malet e Çiçavicës!
Shoqe dhe krah i djathtë i Azem Galicës!
Krah për krah me burra luftoi
Gërshetin mbi supe, pushkën në krah.
Drenicën, gjithë Kosovën nderoi
duke luftuar pa ia nda.

Marigona

Emër të bukur ke,
Marigonë e nderuar,
me duart e tua të arta
flamurin e ke praruar.

Emri yt ka hyrë në histori
duke qëndisur Flamurin Kuq e Zi.
Shqiponja dykrenare e lirë valon,
në mes flamurit
rreze lirie lëshon.

Tringë Smajlja

E vajtonte të vëllanë,
e vajtonte shqiptarinë.
Lotët iu shndërruan në forcë,
e luftoi gllabërinë.

A ka më të madhe krenari
për të Madhen Malësi?
Heroina e saj Tringa
luftoi kundër Malit të Zi.

Motrat Qiriazi

Dy bija të shqiptarisë,
dy motra të dijes e t’mençurisë,
Sevasti e Parashqevi Qiriazi
bënë emancipimin e gruas e të shoqërisë.

Shkollën e vajzave n’Korçë e hapën,
ABC-enë shqipe atyre ua mësuan;
hapën dritaret e emancipimit dhe të diturisë,
analfabetizmin dhe robërinë e luftuan.

Elena Gjika

Elena Gjika apo Dora D’Istria
të dy emrat i njeh historia.
Krenare e ballëlartë punoi,
interesat e popullit përfaqësoi.

Para vdekjes la porosi
“Gjithë jetën punova për shqiptari!
Kur të fitohet liria,
ju lutem më thoni te varri
se u çlirua Shqipëria.”

Latra

Emër i lashtë i perëndisë,
i fisit të Dalmacisë.
Ilirët në të besonin,
si hyjneshë e nderonin.

O Perëndeshë e lashtësisë!
Femër ilire në fron të hyjnisë,
besimin e Ilirisë fitove,
nderin e gruas në piedestal e çove.

Marie Shllaku

Ishin kohë të turbullta,
ato kur Maria jetoi.
Vetëdijen e lartë kombëtare
me ideologji nuk e infektoi.

Dënimi me vdekje atë nuk e frikësoi,
moralin kombëtar edhe më ia lartësoi.
Syrin pishë, zemrën granit.
Priti plumbat me këngë,
sikur një dinamit.

Rozafa

Gurthemel i kështjellës,
edhe i shqiptarisë.
E muroi jetën
për të mirën e ardhmërisë.

Syri i saj ende na shikon,
dora e saj ëndrrat na i ledhaton.
Loti i saj në muret e kështjellës,
të kaluarën e hidhur na përkujton.

Princesha Argjiro

Princeshë shqiptare,
simbol i bukurisë.
Me virtyte të larta,
simbol i besnikërisë.

E bukur si një peri,
trime si një luaneshë.
Luftoi kundër Turqisë,
simbol i krenarisë.

Nora e Kelmendit

Vuçi Pasha kish menduar
gjithë Rugovën për ta poshtëruar.
Të marrë bija të malësisë!
Ta korisë fisin e shqiptarisë!

Nora trimëreshë kishte qëlluar,
thotë:”Vuçi Pashën kam për ta martuar!”
Nora Pashës kokën ia shkurtoi.
Nderin e malësisë në vend e çoi.

Bubulina

Fryn murlani me stuhi,
gjuan rrufeja shigjeta zjarri,
ushton qielli me duhi,
dridhet Posejdoni dhe detari.

Jo, jo nuk fryn murlani,
as gjuan rrufeja.
Lufton Bubulina heroike;
bija e Arbërisë kreshnike.

Afërdita

Poetët i thurrin vargje lirisë!
Këngëtarët i këndojnë dashurisë!
Sterjo Spase një roman ia kushtoi
mësueses së parë,
e cila në malësi punoi.

Afërdita emrin ia thonë!
Breza të tërë e përkujtojnë

by shaban cakolli Thu 23 Aug 2007, 17:41

Heroinat shqiptare,eshte thurur ne vargje per lakmi,nga poetja jone Arla.
Pergezime.

by Adem Berisha Fri 24 Aug 2007, 11:56

Oj arla,
të lumtë dora, të lumtë pena, të lumtë goja, të lumtë mendja. ti lum qofsh e tëra. Mi kënaqe shpirtë e zemer me këto vargje kaq të bukura. Ndofta edhe më kanë lëshuar nervat e për atë shkak jam bërë tepër emocional por sinçerisht po të them se gjatë leximit të këtyre vargjeve, sikur qe më ndodh edhe kur lexoj poezitë e të rrespektuarit Shaban Cakolli, kisha mjaft pengesa nga lotët qe më rridhnin derisa i tëri u rrënqetha. Edhe tema të cilen e ke zgjedhur për të shkruar është tejmase e qëlluar sepse vërtetë femëra jonë, gruaja, nëna, motra shqiptare, siç kishe shkruar edhe ditë më parë, është e bekuar, e pastër, e shëndoshë, burrëreshë, trimëreshë dhe nuk ka të mirë që nuk e ka. Dhashtë zoti qe të ruhen dhe kultivohen këto virtyte të mëdha.
Unë për të mbështetur këtë konstatim, po citoj pak vargje të poezisë "Mos braktisni vlerat tuaja" :
"Bukuroshet që ne kemi
sa të shëndosha sa të dlira,
pa të dashur mos i lini
se të huajat s'janë më të mira".
arla, e sheh se tek secili person, pra edhe tek Ty, fle ai talenti latent i poetit por i nevoitet një stimuls ndoshta edhe fare i vogel për ta nxitur ate qe të shkruaj, qe gjërat t'i vëj në leter prandaj unë do të lusja qe të mos shkëputesh nga shkrimet spse, siç vërej unë, pa kurrëfarë medyshjeje e vlenë të shkruash dhe kam bindjen e thellë se do të arrish n ivelin e dëshiruar ndërsa kontributi i yt do të jetë shumë i çmuar.
Duke u lutur për Ty, të përshendetë i yti xhaxhi Adem.